Жөндеуаралық кезең (ЖАК) мерзімдерін көбейту мақсатында Компания жұмыстарды ұйымдастырудың жаңа тәсілдерін іске асырады (құрал-жабдықтарды, құрал-саймандарды жалдау қызметтерін иелену, жөндеу жүргізу және т. б.). Одан басқа, ЕМГ мұнай-кәсіпшілік жабдықтарды жаңарту және мұнай дайындау сапасын арттыру бағдарламаларын іске асырады.
Атап айтқанда, сорғы-компрессорлық құбырларды (СКҚ) уақытша пайдалануға беру және СКҚ жөндеу бойынша қызметтерді сатып алу АЕК көбейтуге, айналымдағы СКҚ сапалы қызмет көрсетуді және жөндеуді қамтамасыз етуге, шығындарды оңтайландыруға және қоймадағы қалдықтарды азайтуға мүмкіндік береді.
Құбыршекті сорғылармен (ҚШС) жабдықталған ұңғымалар қоры бойынша жөндеуаралық кезең көрсеткіштері 2019 жылғы 333 тәуліктен 2020 жылғы 394 тәулікке дейін жоғарылады. Бұл өсімге «ПКНМ Казахстан» ЖШС-мен ҚШС тереңдік сорғыларына қызмет көрсету және оларды уақытша пайдалануға беру туралы ұзақ мерзімді шарт өз елеулі ықпалын тигізді. Осы Шарттың аясында әрбір нақты ұңғыма және өндіру кезіндегі проблемалар (құмның шығуы, газ факторының жоғары болуы, АШПТ және т. б.) үшін сорғы таңдаудың жеке тәсілі жүргізіледі. Бұл ұңғымалардың жұмысына, сондай-ақ жөндеуаралық кезеңді көбейтуге оң әсерін тигізеді.
Компания мұнайсервистік қызметтерді көрсетудің жаңа тәсілдерін енгізуде. Бұл ресурстарды босатуға және негізгі қызмет бағыттарын дамытуға фокусты сақтап қалуға мүмкіндік береді.
Осы стратегиялық бағыт бойынша маңыздысы арнайы техника паркін жаңарту және автокөлік құралдарын аутсорсингке ауыстыру бағдарламасын іске асыру болып табылады. Бағдарлама тозған және моральдық ескірген арнайы техника бірліктерін жаңартуға, технологиялық жабдықтарды жақсартуға және көлік қызметтерін көрсету деңгейін арттыруға бағытталған.
2017 жылы арнайы техниканы жаңарту жоспары бекітілді. МГӨБ үшін жаңа арнайы техника сатып алынды, арнайы техниканың тұрып қалуы және жөнделуі азайды. Соңғы 3 жылдың ішінде 131 бірлік жаңа арнайы техника, соның ішінде 2020 жылы 21 бірлік, оған қоса КАМАЗ негізіндегі 7 АЦН бірлігі, ТЕRЕХ негізіндегі 2 АКН агрегаты, ТЕRЕХ негізіндегі ЛС-6 2 бірлігі, АСЦ-320 3 бірлігі және КАМАЗ негізіндегі ППУА – 1600/100 1 бірлігі әкелінді.
Одан басқа, көліктік қамтамасыз ету бойынша операциялық шығындарды оңтайландыруға бағытталған көліктік қамтамасыз етуді автоматтандыру жобасын іске асыру жүргізілуде.
2020 жылдың қыркүйегінде Компанияның кен орнында еңбекті қорғау және автокөлікті қауіпсіз жүргізу ережелерін сақтау саласындағы барлық параметрлерге сай келген автокөлікті жаңа GPS-мониторингтеу жүйесін әзірлеуден құралатын «Сапарларды басқару» жобасы басталды.
«CITYPOINT» бағдарламалық қамсыздандырудың негізіндегі жобаның аясында ЕМГ-да қолданылатын автокөліктерді бақылау жүйесінің цифрлық функционалы кеңейтілуде. Жылдамдық режиміне, жорыққа, қауіпсіздік белдігіне, белгіленген маршрутқа бақылау, қозғалтқыш жұмысын (жүргізушілердің жұмыс істеу және демалу режимін) бақылау қамтамасыз етіледі. Негізгі күтілетін тиімділіктері – ЖКО санының азаюы, көліктердің жұмыс ресурсының артуы және автокөлік құралдарының тоқтап қалуы мен техникалық қызмет көрсетуіне шығындардың азаюы.
