ТҰРАҚТЫ ДАМУСАЛАСЫНДАҒЫ ҚЫЗМЕТ ЖӨНІНДЕГІ ЕСЕП

COVID-19 пандемиясының қауіптерін еңсеру

2020 жылдың наурызынан бастап ЕМГ басшылығы сыни өндірістік процестердің үздіксіздігін сақтай отырып, қызметкерлер үшін қауіпсіздікті қамтамасыз ету бойынша барлық шаралар қабылданды. Осы қызметтің аясында келесі шаралар қабылданды:

• Жедел әрекет ету және төтенше жағдайларды басқару тобының деңгейінде орталық штаб құрылды. Қосымша әр МГӨБ бойынша штабтар және резервтік бригадалар құрылды.
• Барлық жаппай іс-шаралар мен тренингтер тоқтатылды.
• Кеңестер телефондық және бейнеконференциялар форматына ауыстырылды.
• Қашықтан жұмыс нысанына ауыстырылатын қызметкерлер тізбесі анықталды. Олардың басым бөлігін зейнеткерлік жасқа жақындап қалған қызметкерлер, созылмалы аурулары бар қызметкерлер, жүкті әйелдер, көпбалалы аналар, үш жасқа дейінгі балалары бар әйелдер, он төрт жасқа дейінгі балаларды (18 жасқа дейінгі мүгедек балаларды) тәрбиелеп отырған жалғызбасты әйелдер, аталған балалар топтарын анасыз өсіріп отырған басқа адамдар, сондай-ақ ЖРВИ белгілері бар қызметкерлер құрады. Қашықтан жұмыс істейтін қызметкерлер үшін ротациялау кестесі, жұмыстар кестесі анықталды, қажетті ІТ-сервистерге қолжетімділік қамтамасыз етілді. Бұл ретте қашықтан орындалатын жұмыстардың ұзақтығы кемінде 14 күнді құрады.
• Бөгде адамдарға Компания объектілеріне кіруге тыйым салынды.
• Мемлекеттің басқа өңірлерінен келген қызметкерлерге жұмысқа келуге тыйым салынды.
• Барлық әкімшілік ғимараттардың кіреберістерінде зарарсыздандыру туннельдері орнатылды. Басқару аппаратының әкімшілік блоктарының және өндірістік құрылымдық бөлімшелердің қызметкерлеріне жұмыс орындарына тепловизормен күнделікті тексергеннен кейін баруға рұқсат берілді.
• Сол сияқты вахта ауыстыру кезінде (вахтаны бастар алдында) өндірістің бөлімшелер қызметкерлерінің денсаулығының күйіне бақылау жүргізілді. • Компанияның барлық объектілерінде қатаң санитариялық режим іске қосылды.
• Қауіпсіздікті қамтамасыз ету мақсатында сыртқы дереккөздерден келген хат-хабарлармен және қызметтік құжаттамамен алмасу, сондай-ақ ішкі құжаттарды келісу тек қана электрондық форматта жүзеге асырылады.
• Жұмыс орындарында қалатын барлық қызметкерлер жеке қорғану құралдарымен, соның ішінде маскалармен және респираторлармен қамтамасыз етілді.
• Өндірістік объектілерде барлық көлік түрлері күніне 3-4 рет зарарсыздандырылады, жатақханалар мен асханалар санитайзерлермен қамтамасыз етілген. Өндірістік және әлеуметтік маңызы бар барлық объектілерде ТҰРАҚТЫ ДАМУ САЛАСЫНДАҒЫ ҚЫЗМЕТ ЖӨНІНДЕГІ ЕСЕП Жылдық есеп 2020 65 Тұрақты даму саласындағы қызмет туралы есеп Қосымша. Қаржылық есептілік 05 инфекцияны таратпау бойынша профилактикалық шараларды күшейту бойынша қосымша іс-шаралар жүргізіледі.
• Мердігерлік ұйымдардың вахталық ауылдарының аумақтарында санитарлық күй мен профилактикалық шараларға күшейтілген бақылау жүргізіледі.
• ЕМГ мен мердігерлік ұйымдардың барлық қызметкерлері жұмыс орнына баруға рұқсат алу үшін міндетті ПТР-тестілеуден өтеді. Вахталық әдіс бойынша жұмыс істейтін Компания және мердігерлік ұйымдар қызметкерлері теріс тестінің және карантиннің негізінде жұмысқа жіберіледі. Кен орындарынан қызметкерлер COVID-19 бойынша тестілері теріс болған жағдайда шыға алады.
• Вахтаның ұзақтығы 14 күннен 28 күнге дейін ұзартылды.
• Пандемия басталғалы бері ЕМГ Компания қызметкерлеріне барлығы 21,7 мыңнан астам ПТР-тест өткізді.
• 2020 жылы пандемия кезінде Компанияның инфекция жұқтырған қызметкерлерінің саны 480-ге жетті, олардың барлығы жазылып шықты. COVID-19 нәтижелері расталған қызметкерлер бақылауға алынып, анықталған симптомдарға сәйкес ем алды.
• 5 мың бір реттік обаға қарсы комбинезон, 5 мың бахила, 86 770 көп реттік маска (қолда бар ағымдағы қоры 30 086 дана) сатып алынды.
• Қызметкерлерге және олардың отбасы мүшелеріне білікті медициналық көмек көрсету үшін медициналық сақтандырудан басқа COVID-19, тұмауға және пневмонияға ұқсас симптомдар бойынша арнайы медициналық қызмет көрсетуге арналған шарт жасалды.

Өңірді қолдау

Пандемия басталғалы бері ЕМГ Атырау облысының әкімдігімен бірлесіп өңір тұрғындарына жан-жақты көмек көрсетуде.

Компания бөлген 500 млн теңге көлеміндегі қаражат COVID-19 пандемиясы басталғалы бері «Birgemiz-Atyrau» Қоғамдық қорына дәрілік препараттарды сатып алуға, Атырау облыстық ауруханасына медициналық құрал-жабдықтарды (ӨЖЖ арналған оттегі концентраттарын сатып алу, ота жасау блоктарын, жансақтау бөлімін, диализдік орталықтарды, провизорлық бөлімшелерді жабдықтау бойынша емдік газбен қамсыздандыру жүйесін жүргізу) сатып алуға, басқа да осы сияқты мақсаттарға, Жылыой аудандық аурухана үшін жеке қорғану құралдарын сатып алуға, Атырау қ. Береке шағын ауданындағы карантиндік стационарларды тұрмыстық техникамен және гигиеналық керек-жарақтармен қамтамасыз етуге жұмсалды.

Оған қосымша, Исатай, Мақат, Жылыой және Қызылқоға аудандарының әкімдіктеріне блок-посттарды ұйымдастыруға, залалсыздандыру жұмыстарын жүргізуге және әлеуметтік осал халық топтарына көмек көрсетуге қолдау жасалды.

Ембіліктер еріктілер ретінде 1 млн теңгеден астам қаржы жинап, оны карантинге оқшауланған медицина және полиция қызметкерлеріне мекенжайлары бойынша көмек көрсетуге жұмсады.

Кадрлық саясат

Кадрлық қызметтің басты мақсаты Компанияның қызметкерлерді сапалы оқыту және дамыту есебінен, ең соңғы үлгідегі тиімді құралдарды іздестіру және енгізу, атқарушылық тәртіпге жүргізілетін бақылауды күшейту және қызметкерлерді әлеуметтік қолдауды қамтамасыз ету есебінен стратегиялық мақсаттарына жетуге ынталандырылған, білікті персоналмен қамтамасыз ету болып табылады.

Персоналды басқару саласындағы жұмыс келесі негізгі бағыттарды қамтиды:

• Персоналды іріктеп алу процедураларын дамыту;
• Персоналды оқыту жүйесін жетілдіру;
• Жастармен жұмыс жүргізу;
• Кадрлық резервпен жұмыс істеу жүйесін дамыту;
• Еңбекақы төлеу және еңбекті нормалау жүйесін жетілдіру;
• Персоналдың санын және оларға жұмсалатын шығындарды тиімді басқару;
• Кадрлық әкімшілендіру және жұмыс уақытының есебін жүргізу

2021 жылғы 1 қаңтардағы жағдай бойынша Компания қызметкерлерінің нақты саны 4 764 адамды құрады. Дерлік барлық қызметкерлер мерзімсіз (белгісіз мерзімге жасалған) шарт бойынша жұмыс істейді және толық жұмысбасты болып табылады. 2020 жылы 5 адам ішінара жұмысбасты болды.

Соңғы жылдары Компания шығындарын оңтайландыру мақсатымен бейінсіз біліктілігі төмен еңбектің штаттық жұмыс орындарын аутсорсингке шығару бойынша жүргізіліп жатқан жұмыстардың салдарынан штат қысқартылды.

Бір жылдың ішінде 25 жаңа қызметкер жұмысқа алынды. 2020 жылдың ішінде персоналдың тұрақтамауы 3,3 %-ды құрады.

Ондаған жылдар бойы атқарған жұмысының ішінде Компанияда берік дәстүрлер және ұрпақтар сабақтастығымен қалыптасқан. Еңбек әулеттері «Ембімұнайгаз» АҚ тұрақты ұзақ мерзімді дамуының негізі болып табылады. Бүгінгі таңда Компанияда 20-дан астам отбасы әулетінің өкілдері еңбек етуде, онда үш және одан көп буыны өз өмірлерін мұнайшы деген қиын кәсіппен байланыстырды. Солардың кейбіреулерінің жалпы жұмыс өтілі 200 жылды асырады.

Компанияда еңбек өтілінің басым бөлігін мұнай саласының қиын қыстау жағдайларында жұмыс істеген және денсаулығында кінәраты бар қызметкерлер үшін мерзімінен бұрын 58 жастан зейнетке шығу бағдарламасы іске асырылып келеді.

2020 жылдың соңындағы персоналдың құрылымы, адам

2020 жылдың соңындағы персоналдың гендерлік құрылымы

2020 жылдың соңындағы персоналдың жастық топтар бойынша құрылымы

2020 жылдың соңындағы Басқарманың гендерлік құрылымы

2020 жылдың соңындағы Басқарманың жастық топтар бойынша құрылымы

Персоналды ынталандыру

Компания жұмыс нәтижелері үшін әділ сыйақы төлеу арқылы персоналды тиімді жұмыс істеуге ынталандыруға тырысады. Компания біліктілігі мен нәтижелілігі Компанияның өз миссиясын табысты орындауын және бизнес-мақсаттарға жетуін қамтамасыз ететін қызметкерлерді тарту, ұстап қалу және ынталандыру мақсатымен қызметкерлерді атқарушылық тәртібін ынталандырудың және арттырудың тиімді жүйесін құру және үздіксіз дамыту бағытында көп жұмыс атқарады.

Ынталандыру және атқарушылық тәртіп саласында негізгі міндеттер болып келесілер табылады:

• Компанияның барлық қызметкерлерінің еңбекақысын төлеуге бірыңғай тәсілді қамтамасыз ету және еңбекпен қолжеткізілген нәтижелердің және әділ сыйақының сәйкес келуі;
• марапат пен сыйлық жүйелерін дамыту, соның ішінде, жаңа технологияларды құру және енгізу, дамыту жобаларын іске асыру, негізгі қаржылық-экономикалық, әлеуметтік-еңбек және басқа мәселелерді шешу;
• қызметкерлер алдына қойылған міндеттерді орындау сапасын бақылауды күшейту;
• Компанияда әзірленген және енгізілген басқарушы құжаттар жөнінде қызметкерлердің хабардар болуын арттыру;
• • басымдылықтарды және орындау мерзімдерін көрсете отырып, қызметкерлер алдына қойылған міндеттер процесін автоматтандыру, оларды орындауды қатаң түрде бақылау

Қызметкерлерді марапаттау және көтермелеу

2020 жылдың наурызынан бастап біздің еліміз коронавирустық инфекция пандемиясы жағдайында өмір сүріп келеді. ЕМГ-да өз қызметкерлерінің өмірі мен денсаулығының қауіпсіздігін қамтамасыз ету үшін Компанияның барлық объектілерінде инфекцияның таралуына қарсы күрес бойынша барлық қажетті шаралар қабылданды. Барлық өндірістік құрылымдық бөлімшелерде енгізілген төтенше жағдай режимі және одан кейінгі карантиндік шектеулер жағдайларында басқару жөніндегі жұмыс органдарына айналған жедел штабтар құрылды.

Негізгі басқарушылық шешімдерді орталық штабтың қабылдайтынына қарамастан, ұйғарылған іс-шараларды басшылар мен бөлімшелердің қатардағы қызметкерлері жер-жерлерде іске асырады. Сондықтан 2020 жылы пандемияның бірінші толқыны кезінде көшбасшылық қасиеттерін және өздеріне сеніп тапсырылған жұмыс учаскесі үшін барынша жауапкершілік танытқан қызметкерлерді ерекше белгілеу туралы шешім қабылданды. «Жыл үздігі» номинациясы тағайындалды және жыл сайын Компаниямыздың ерекше еңбек еткен қызметкерлерін, сондай-ақ Ембі алдындағы шарттық міндеттемелерді ең жоғары деңгейде орындауды қамтамасыз еткен серіктестерді марапаттау туралы шешім қабылданды.

2020 жылдың ішінде атқарған еңбегі мен еңбек қызметі және COVID-19 пандемиясымен күреске қосқан үлесі үшін Компанияның келесі қызметкерлері марапатталды:

• Басқарма төрағасының экономика және қаржы жөніндегі орынбасары ТАСМАҒАМБЕТОВА Рысты Нұрғалиқызы ел мен аймақ басшылығы мойындаған компания мен Атырау облысы тұрғындарының мүддесі үшін жанқиярлық қызметіне «Жыл тануы» номинациясымен;
• «Жайықмұнайгаз» мұнай-газ өндіру басқармасының бастығы СҮЛЕЙМЕНОВ Амангелді Тасқынбайұлы артық шығынсыз мол өндірістік көрсеткіштерге қол жеткізгені үшін «Жылдың тиімді менеджері» номинациясымен;
• «Жылыоймұнайгаз» мұнай-газ өндіру басқармасының бастығы ШАНАЕВ Ғибатолла Толағайұлы штаттан тыс жағдайда өндірістік қызметті қамтамасыз еткені үшін «Жылдың кризис-менеджері» номинациясымен;
• «Қайнармұнайгаз» мұнай-газ өндіру басқармасының бастығы ЖҮНІСОВ Мәлік Мұқышұлы ұжымдағы моральдық-психологиялық қолайлы климатқа қол жеткізудегі жетістіктері үшін «Жылдың тиімді басшысы» номинациясымен;
• «KMG EP-Catering» ЖШС-нің Атырау филиалының директоры ХИСМЕТУЛЛИН Эдуард Ғаббасұлы пандемия кезіндегі табанды серіктестігі және ұжыммен бірлесе атқарған қалыпты жұмысы үшін «Жыл серіктесі» номинациясымен;
• «Ембімұнайэнерго» басқармасының бас инженері БАЯМИРОВ Берік Жоламанұлы жас мамандарды дайындағаны және қолдау көрсеткені үшін «Жыл тәлімгері» номинациясымен;
• «Доссормұнайгаз» МГӨБ еңбекті қорғау және өндірістік қауіпсіздік бөлімінің бастығының орынбасары ҚОБЛАНДИЕВ Нұрлан Сәндіжанұлы өндірістік-құрылымдық бөлімшелерде жүргізілген қауіпсіздік жұмыстары бойынша қол жеткізген үздік жетістіктері үшін «Жылдың қауіпсіз өндірісті ұйымдастырушысы» номинациясымен;
• «Ембімұнайгаз» АҚ еңбекті қорғау және өнеркәсіп қауіпсіздігі бөлімінің бастығы БОХАЕВА Ақмарал Өтегенқызы пандемия кезінде короновирус инфекциясын таратпау мақсатындағы жұмыстарды ұйымдастыруға белсене қатысқаны үшін «Жыл қызметкері» номинациясымен;
• Өндірістік – техникалық қамту және жабдықтармен комплектациялау басқармасы еңбекті және қоршаған ортаны қорғау группасының жетекшісі АЙДАРБАЕВ Аманжан Танатарұлы COVID-19 пандемиясымен күрес жүргізу жұмыстарын ұйымдастыруға белсене қатысқаны үшін «Жыл қызметкері» номинациясымен;
• «Жайықмұнайгаз» МГӨБ №2 мұнай және газ өндіру цехының бастығы АБЕЖАН Қуанғали Халидоллаұлы дағдарысты ахуал кезінде өндірістік міндеттемелердің шешілуіне жеке үлес қосқаны үшін «Жылдың цех бастығы» номинациясымен;
• «Қайнармұнайгаз» МГӨБ Кенбай мұнай және газ өндіру цехының мұнай-газ және конденсат өндіру шебері ТАЙБУРИЕВ Жалғас Тұрғалиұлы дағдарысты ахуал кезінде өндірістік міндеттемелердің шешілуіне жеке үлес қосқаны үшін «Жыл шебері» номинациясымен;
• «Доссормұнайгаз» МГӨБ ұңғымаларды жерасты және күрделі жөндеу цехының ұңғымаларды жөндеу шебері НҰРЖАНОВ Еламан Жақсығалиұлы дағдарысты ахуал кезінде өндірістік міндеттемелердің шешілуіне жеке үлес қосқаны үшін «Жыл шебері» номинациясымен;
• «Жылыоймұнайгаз» МГӨБ Құлсарыдағы мұнайды дайындау және айдау цехының Қисымбай мұнай дайындау және айдау учаскесінің 4 разрядты тұзсыздандыру және сусыздандыру қондырғысының операторы УМИРОВ Есенжан Ұлықпанұлы дағдарысты ахуал кезінде өндірістік міндеттемелердің шешілуіне жеке үлес қосқаны үшін «Жыл шебері» номинациясымен.

2020 жылы еңбек жетістіктері үшін 266 қызметкер мемлекеттік және ведомстволық наградалармен марапатталды.

ҚР Тәуелсіздік күніне орай мына қызметкерлер марапатталды:

• «Құрмет» орденімен – Тасмағамбетова Рысты Нұрғалиқызы, Басқарма төрағасының экономика және қаржы жөніндегі орынбасары;
• ІІІ дәрежелі «Еңбек Даңқы» орденімен – Жолдасов Демеген Абдулович, «Жылыоймұнайгаз» МГӨБ Терең-Өзек № 2 МГӨЦ мұнай және газ өндіру операторы;
• «Ерен еңбегі үшін» медалімен – Шаяхметов Бибоз Байдаулетович, әлеуметтік саясат және инфрақұрылымдық объектілерді басқару жөніндегі департаментінің директоры;
• Қазақстан Республикасының Құрмет грамотасымен – Гумаров Роберт Жасталапович, «Жайықмұнайгаз» МГӨБ материалдық-техникалық қамсыздандыру қоймасының қоймашысы.

Әлеуметтік саясат

«Nur Otan» партиясының бастауыш партия ұйымдарының бастамасы бойынша «Жай - ықмұнайгаз» және «Қайнармұнайгаз» мұнайгаз өндіру басқармаларында мұнайшылар Атырау облысы Исатай және Қызылқоға аудандарының әлеуметтік аз қамтылған отбасыларға көмек көрсетті. 2020 жылы Ком - пания Атырау облысы әкімдігіне мүмкіндіктері шектеулі 7 мың балаға сыйлық алуға 70 млн теңге бөлді. Сонымен қатар, 274 медицина қызметкерлеріне, соның ішінде, төрт қаза болған дәрігердің отбасыларына материалдық көмекке 60 млн теңге бөлді. Ембіліктер қыз - меткерлер жинаған 1,1 млн теңге қаржыға ма - мандандырылған балалар үйінің, «Шаңырақ» облыстық отбасы үлгісіндегі балалар ауылы және жасөспірімдер үйінің, Атырау балаларды оңалту орталығының, Психологиялық дамуы кешеуілдеген балаларға арналған  Бөбек - жай-бақшасының, «Қазақ соқырлар қоғамы» ҚБ-ның балаларына жаңажылдық сыйлықтар алынып, таратылды.

Ұлы Отан соғысындағы Жеңістің 75-жыл - дығына орай ЕМГ басшылары компания зейнеткерлерін Әлеуметтік қолдау бағдарла - масының аясындағы төлемдерді: Ұлы Отан соғысына қатысқан ардагерлерге – 200 мың теңгеден 500 мың теңгеге дейін, тыл еңбек - керлеріне – 30 мың теңгеден 50 мың теңгеге дейін, интернационалист-жауынгерлерге – 50 АЕК дейін көбейту туралы шешім қабылдады. Компанияда әрбір жауынгер-мұнайшы туралы естелік құнттап сақталады және арамызда жүрген ардагерлерге, тыл еңбеккерлеріне және интернационалист-жауынгерлерге қамқорлық көрсетіледі. Ағымдағы сәтте ЕМГ әлеуметтік қолдауына екі ҰОС ардагері, 90 тыл еңбеккері, 15 жауынгер-интернационалист, Чернобыль/ Семей зардабын залалсыздандыруға қатысу шылар – 16 адам ие болып отыр. Мерекелік және мерейтойлық күндерге орай төлемдер - ден басқа Компания қамқорлыққа алған адамдарын сақтандырумен қамтамасыз етіп, емдеу және дәрілік препараттарды сатып алу шығындарын өтеп отыр.

2019 жылдан бастап Қызылқоға ауданындағы Мұқыр ауылында 424 орындық орта мектептің құрылысы жүргізіліп жатыр. Жобаны жалпы қаржыландыру сомасы 256,25 млн теңгені құрады, оның ішінде 2020 жылы 129,8 млн тең - ге жұмсалды. Құрылыс 2021 жылы аяқталады деп болжанып отыр.